Սիրելի ընթերցող

Ավարտին է մոտենում 2012 թվականը: Մեր հանդեսի միջոցով ձեզ հետ սկսված երկխոսությունն իր տրամաբանական շարունակությունը կունենա նաև 2013-ին:

Ինչպես և խոստացել էինք, «Առողջապահությունն» անցնող տարում ունեցել է տեղեկատվական, վերլուծական և հանրամատչելի ուղղվածություն: Թերթելով հանդեսի էջերը, ձեզնից յուրաքանչյուրն այնտեղ կգտնի ինչպես տարաբնույթ հիվանդությունների կանխարգելմանը, այնպես էլ` ախտորոշմանն ու բուժմանը նվիրված հոդվածներ, հնարավորություն կունենա ծանոթանալու բնակչության առողջական խնդիրներին վերաբերող` ՀՀ առողջապահության նախարարության կողմից մշակվող և իրականացվող ծրագրերին, վաստակաշատ բժիշկների հետ հարցազրույցներին, դեռահասների սեռական դաստիարակությանը նվիրված հոդվածներին և այլն:

Խիստ կարևորում ենք հանդեսի էջերում մարդու առողջության վրա շրջակա միջավայրի գործոնների բացասական ազդեցության կանխարգելմանը, բժշկական կադրերի վերապատրաստմանն ու շարունակական կրթությանը, ինչպես նաև բժշկական ապահովագրության ներդրմանն ու գյուղական վայրերում բուժսպասարկման որակի բարելավմանը վերաբերող հարցերի շուրջ հարցազրույցների և քննարկումների անցկացումը: Սրանք խնդիրներ են, որոնց լուծմանն ուղղված առաջարկություններով ու վերլուծական հոդվածներով ՙԱռողջապահության՚ էջերում ժամանակ առ ժամանակ հանդես են գալիս ոլորտի պատասխանատուները:

Ավարտելով խոսքս, ցանկանում եմ, որ գալիք` 2013 թվականը մեր ժողովրդի համար լինի հոգսազատ, խաղաղ, առողջ և բարեկեցիկ ապրելակերպի տարի:

Շնորհավոր Ամանոր և Սուրբ Ծնունդ

Հարցեր, պատասխաններ, մեկնաբանություններ